我的午飯寶貝

下雨天, 原定的網球活動都得告吹了。今天想介紹我最近的貼心用品 - 我的午飯寶貝 - 電子蒸飯鍋。

減肥食清D兼慳錢計劃做得最成功莫過於每天帶飯, 家陣旺角出街食已經達到差唔多每餐$4X的水平，加上出街食難免油膩，而家我又多左煮飯，每晚~$50的買餸錢，足夠一家兩口晚餐兼我一人帶飯的份量，三倍慳錢，仲勁過肥媽。

用微波爐叮飯叮到乾曬唔好食，又好似會無咁健康，蒸飯則可保持濕潤，但缺點就是時間較長，而且蒸菜會變黃。我的午飯寶貝購自億世通，約$24X，大size兩格，上層放餸下層放飯，份量足夠又可以飯餸分開。每天12點半我同幾個同事就會去pantry蒸飯，放約80ml熱水，大約蒸半小時(唔使睇火，好似電飯煲咁蒸完自動熄機)，一點鐘lunch time就有熱騰騰又濕潤的飯菜食~

每天只需把不秀鋼內膽清洗帶回家便可，有一次我唔小心撞崩左個膠邊，搞到一路蒸飯一路漏水，我用AA膠把膠邊貼番實，又俾我整得番掂，今次真係好抵用回番曬本。嘻~