入門級行山路線- 農場牛奶&河背水塘家樂徑

原本今個星期計劃去露營, 但周六卻遇上雨天無奈地取消了....幸好周日沒有下雨，在沒有計劃之下，便和波波出發到農場牛奶&河背水塘家樂徑郊遊一番!沒想到這條路線幾輕鬆又舒服，仲有滑滑牛奶飲，讚呀~

我地大約上午10點出發，由屋企渣車25分鐘便可到達農場鮮奶有限公司，要經過石崗軍營再入雷公田村，沿路入來的單程路都有不少行山人士，私家車可接直接渣到門口，挺方便的~

門口有舊乳牛pattern的石頭就係農場鮮奶有限公司

喺呢度先可以飲倒最新鮮的農場鮮奶，難得咁遠來到，唔理咁多要一盒全脂奶吧! 果然好香濃的奶味，好好飲啊!! 還有燉奶，很滑，而且不太甜。

呢度除左鮮奶、燉奶、芒果布甸之外，就只有餐蛋出前一丁，正好食埋個brunch，午餐肉煎得外脆內軟，很香口.

農場鮮奶有限公司佔地不大，只有10多張枱，諗住睇下有無牛牛，點知牛就無喇，羊仔反而有兩隻，仲有幾個細路仔拎住啲草餵羊仔添!!

食左無幾耐就愈來愈多車來到，泊到成個停車場都full曬，食飽後就開車到位於八鄉的河背水塘，大約開車15分鐘左右。

一路開車到河背村，由河背村到河背水塘要經過一段私家路，而且還有標示寫住"後果自負"，我地一路有點懷疑自己走錯路，直至走到河背營地，一路開車上山，便到達河背水塘喇~

河背水塘家樂徑其實就是圍繞水塘走一個圈，大約1小時，不用上山下山，而且沿著湖走，一路可以感受湖光山色，絕對是入門級行山路線~

一開始就先往水塘的堤壩走，好舒服啊

波波似乎都好enjoy啵~

走完堤壩後，便到了河背水塘家樂徑的入口

沿途雖然是以泥路為主，但一直都是圍繞著水塘，唔使上山落山，無難度~有部份路段景色開揚，幾舒服~

沒想到波波一路都幾行得

行了1小時左右便回到起點，車子就泊在起點處，打開車門時，波波一野就跳上車度，好似好想休息咁!! 哈哈!! 開車回到家裡才下午兩點多，很開心原來咁近就可以親親大自然，又唔使辛苦，正!