湖南菜風味+滑滑豉油雞

昨天才煮過大餐，今天又要再煮飯俾老公食。今晚攪攪新意思，來個湖南菜風味之夜，點題之作是剁椒魚頭及悠縣豆干，加埋用LC煲煮的滑滑豉油雞，惹味又可以明天帶飯。

剁椒魚頭及悠縣豆干的做法是參考優酷網及百度知道，找遍屯門街市的店都找不到剁椒醬，原來要到大間d既雜貨店才有，我用的是這種剁椒。

可是香港買不到青椒的剁椒，只有紅椒。所以無法做雙色魚頭，只可做到單色了。

 

湖南菜的吃法是煮一個清水麵沾著魚頭湯汁吃! 這個魚頭的味道都有8成似，可是我在百佳買到的大魚頭無咩肉，只有少少魚雲吃，下次去街市買可能更好吃!

 

至於悠縣豆干我用了上次雞煲用剩的李錦記辣豆辨醬，或許味道會不及四川辣豆辨醬咁好，而且我不知道豆干是要用鹵的，買了白豆干回來，搞到要自已鹵>.< . 煮起來味道都有9成似在內地吃到的，只是下次鹵水汁要較稀點, 這個咸了點。

 

最後仲有超滑超入味的豉油雞，是參考鬼嫁食譜，可能係用LC煲無火焗30分鐘，特別滑同入味，切雞起來很容易! 這個豉油雞咁成功，成本才$35，下次要再做啊!



Bon Appetit ~ 靚太美女自煮廚房

對於一個長期居於"pantry size"廚房的人妻來說，是極之渴望有一個開放式廚房，相約一班好友靚太美女們一齊一路煮一路傾計，而這個廚房又必定要是裝修時尚，冷氣長開，用最新款的廚具，又可以大家邊煮邊吹水，唔會好似我小廚房咁又迫又流汗.......終於.....在食記M 的Blog裡找到這一間 - Bon Appetit cooking studio.

Cooking Studio似乎是新興的玩意，概念有點像自助畫室，Bon Appetit就是以包場形式，向店主事先預訂好菜單，店主就會準備好食材，然後就好似中學時的家政堂咁，一路教授你自己煮，每煮好一道菜就立即埋枱吃，店主同步洗鑊準備，待我們吃完後就可立即開始煮第二道菜，對顧客來說是一個不費力又吃又學又吹水的體驗，而且價錢就等同出街食一餐左右的價位. ($350/人)

呢種活動啱使一班新婚靚太&美女們的聚會，適逢xiao的生日及姑團成立十四周年，正好約夠8個人去玩一下! cooking studio位於工廠大廈內，大廈周圍車水馬龍感覺煩囂，但入到studio感覺舒服，寬敞空間播放著舒服的音樂，點埋蠟燭，好舒服~加上包場自有8人，玩得好自在!

這裡有一個黑板可以寫個主題，我一早email俾店主叫佢寫的，Happy Birthday to Xiao，係咪好細心呢~

 

 

 

未齊人前美女店主已忙著切切洗洗，齊人後著好圍裙開始煮第一道菜 - 水煮蛋伴蟹餅!

 

 



用個圓形模把蟹肉mix在鑊內輕輕煎香就得，第一次做水煮蛋原來好容易做! (也是羊露兩手的時候). 不過煮西餐的致勝之道還是在於碟要夠大，用D草同番茄就可以裝飾到靚靚~

這是我的作品啦~ 蛋黃還在流~

"辛苦"完第一道菜後，一齊飲杯!!開動了!! (thanks Iris for super good wine!)

 

 

之後是第二道菜露筍忌廉湯，以為忌廉湯要"杰杰"地才好? 這忌廉湯不杰，但味道卻非常好，忌廉啱啱好唔太漏!

 

湯上的畫花是星星圖案啦....是要花點想像力

大家都很集中精神畫花花~

 

之後開始做主菜 - 紐西蘭羊架拌紅酒汁 ! 看看材料 ~ 是整排的羊架呢，很新鮮的樣子!

用茴香粉胡椒等醃一下，再煎煎羊扒，可鎖住肉汁，由什少下廚的美女廚神主理! 有板有眼呢!

之後放焗爐焗，焗15分鐘就得~~~~嘩~~~~切開起來肉內還是粉嫩的呢~五成熟左右，是超美味!!

 

 

主菜食過後，其實都很飽飽了，但女人對食甜品總有第二個胃! 何況係以"空氣"為主的香橙梳乎厘! 原來做梳乎厘係一個要時間掌握得好準確的料理，蛋白不能過度混合，確是需要經驗來決定! 把梳乎厘放入焗爐焗13分鐘，呢個時候我地又好投入咁decorate自已個碟~

 

出來了!個個梳乎厘都脹卜卜! 好興奮!! 要把握時間襯佢未榻下前盡快享用!!



係味好有feel呢~幾artistic~呵呵~味道超正，唔會太實，又唔會一陣風! 正!

 

 

這晚我地8人都玩得很開心，大家都放低班佬，班佬無枉管之餘，靚太們又玩得開心，仲可以學埋煮野食，輕輕鬆鬆享受為自己煮的大餐，你也可以做大廚! 呢個活動誠意推介俾大家!

 

Bon Appetit cooking studio
地址：觀塘毅力工業中心10樓T室

 

 





法式小酒館之夜 - 紅酒燉牛肉bœuf bourguignon

紅酒燉牛肉bœuf bourguignon - Classic的法式家常菜，買了french oven 鑄鐵鍋必做省招牌的作品，看過Julia and Juliet必會受神台級的廚藝大師Julia Child 吸引而想做的菜式.....但我可沒有食過法國餐廳做的紅酒燉牛肉, 不知道真正的bœuf bourguignon是什麼味兒, 即使做了出來也不能作個比較, 只可憑直覺味蕾去評價我的作品。

參考食譜來自youtube及偽主婦的blog, 我用的牛肉沒有偽主婦blog中寫得那樣講究，只是在吉豬島買了急凍巴西牛肋條 ($88 / 1200g), 便宜是唯一的好處，避免在第一次試作下太大風險, 可是這種牛肋條肥肉很多，導致湯汁太多油(其實油的來源也有很多, 可能是煙肉, 或者是用牛油起鑊, 這個我下次要改進一下). 而我也沒有用牛高湯, 因為紅酒的份量已經很多////

燉牛肉絕對是心機之作, 需要3小時低溫焗製, 我家小焗爐只能set 1 小時的時間, 所以我每60分鐘便要按一次制, 係麻煩少少, 但出來的效果都不錯. 只是可憐的我又因掂倒爐邊而炙傷手, 嗚嗚, 最近多次因煮食而受傷了, 肥肥你身在福中不知福了.

出來的成品味道很濃, 可是油太多, 下次得想想法子改善一下.

 

 

還為肥肥盛了一個美美的便當明天午餐享用. 大爺了.

 

可憐的肉手生水泡了, 肥肥你太幸福. 他說像他堂姐的烈女如受了傷不會告訴別人不讓其他人擔心, 我則不要做烈女, 我做小女人好了. 你要一直錫我疼我, 我就是要這樣.



LC第一煮 - 西班牙海鮮飯

揭盅了 (其實沒人在猜，對吧) ! LC第一煮是[西班牙海鮮飯]。其實本身想做 [紅酒燉牛肉]的，但今天下午耗太多時間在[新環珠格格] 上，到五點左右才找食譜，發現 [紅酒燉牛肉]原來要焗3小時，趕不及今晚晚餐了，唯有急轉軚煮其他野。

講開[新環珠格格] ，很奇怪我會看這片吧。其實都唔奇怪，我一向都會睇高清台十二點的電視劇，是慣性收視吧。。看著看著，原來播到第96集了，還有兩集大結局就襯得閒去youtube睇埋...我不嬲都係一個好容易睇戲會喊的人，今集還珠格格不啦啦整個西人同五阿哥爭小燕子，拍到五阿哥對小燕子更加一往情深.....雖然100集入面可能有80集都係太多口水太多鳩up，但去到高潮位還是一如以往咁令觀眾感動.....嗚嗚......

還是要叉開一下，[新環珠格格]的五阿哥 - 張睿 比舊版的蘇有朋真的帥十萬倍..... 看靚仔也會沉迷吧....而且新環珠格格內亦有不少鹽花，似乎這年代的少女觀眾都比較早熟啦...

言歸正傳，今次. 西班牙海鮮飯 為求正宗，不惜買了很貴的調味料 - 番紅花 ! 這番紅花一樽只有4g , 但就要$48 !! 這次我用了一半份量....很珍貴呢.....可是味道方面又不算什麼很突出的，只是有一點微辣，下次荷包緊的話可以考慮省略....

 

除此之外還用了意大利米和意大利腸，其實這兩樣都不是太正宗啦，只是想口感吃起來較西式一點...肥肥大讚今次的海鮮飯做得很好食，佢仲立即影俾佢班毒男fd睇tim! 我覺得都算唔錯...嘻...

 

 

今天晚餐除了海鮮飯還開了瓶西班牙紅酒，很dry的口味，Happy Dinning!

 

快樂敗家

昨天我死要肥肥想個令個開心的放假活動，但荷包很緊，貴的東西吃不起，想來想去決定出征銅鑼灣食鼎泰豐。這間鼎泰豐在香港開了這麼久了，全球也開了這麼多間，我都仲係一次都未食過，因本小姐從不喜歡等位，除非真係好好食，否則等待會令美味depreciate. 同肥肥一齊住屯門久了，加上日日在旺角返工，嫌市區太多人令人暈倒，放假都很少出市區.....特登為一間餐廳搭成個鐘車去食更加少了，但成日留在家也太悶了，需要一點累去為生活衝擊一下。

Anyway, 新屎坑熱潮好像退了點, 下午一時到了鼎泰豐，等二十分鐘入座。米芝蓮一星的名號吸引了不少西人到訪，等位期間侍應已派好菜單讓客人先點菜，入座後五分鐘已端上涼拌小碟。辣小黃瓜真係做得好好食，白肉粉皮也不錯，水晶餚肉反而中規中舉沒什麼驚喜。

就是為了這個小籠包來鼎泰豐。$50/6個，剛剛好，好吃的不要一次過吃那麼多。。

小籠包一定要襯熱食，咁好食唔好放涼了...

還有紅燒牛肉麵，湯很濃的牛肉味，肥肥很愛，我就喜歡清淡的菜肉包，菜肉包蒸得剛剛好，包皮鬆軟濕潤，只是嫌菜切得太細。

 

吃完午餐，本想逛下誠品書店，但還是先往Sogo看看。昨天是一年兩度Sogo感謝週的第一天，我一直都很想買的LC煲，一年內只有2次感謝週會特價，我一直都吼住，但一直忍住沒有入手，經常同自己講唔好使呢D無謂錢....但....但......但係......日日都睇D煮食blog, 個個都用LC煲的，好似買名牌咁， 就買了回來。。。。沒什麼的。。。就是敗家了。

 

咪以為千幾蚊一個煲無人買，買的人多的是，仲要攞籌先買倒! 新加入這家族，不知道自己的熱度夠不夠，簡簡單單買個入門級的25cm Oval French Oven，是最classic的橙色，$1588，剛剛好夠放入我家的小焗爐 (我的焗爐才二百幾蚊)。

 

還有23cm Rose Quartz stoneware plate, $377/set 2pc, 愛死這隻玫瑰粉紅.

小朋友買了新玩具也要拍一張曬命照吧，曬命照來了 :

究竟會煮什麼菜來擔當新煲落地的儀式呢? 嘻嘻，明天揭曉!

 

 



婚禮迷思

一年兩個好姊妹結婚，最近不自控地狂loop她們的結婚照。很喜歡看big day的結婚照，攝影師總是捕捉到一個個細微的moment, 而且都有一個共通點 - 永遠只有新娘子是主角，其他人(包括新郎)都是配角而已。

可能我係第一個結婚，望番佢地一個又一個結婚覺得特別安慰。。。狂loop她們的結婚相除了自我欣賞由本小姐一手包辦的結婚花球、襟花、頭花之外，亦發現某些pose大家都很相似，愈看愈有趣。例如指定動作:

著掛鞋 :



 

姊姊擁抱:

 

 

接新娘錫錫

搭花車

 

March in

 

祝酒

真係愈睇愈開心，望住大家個個做同一動作，真係愈睇愈"登"好姊妹幸福~