最近像發現新大陸般玩Instagram, 原來有很多影得好有style的相片發表在instagram內, 有少少似pinterest, 攪到我好想模仿裡面d人post 食物的照片影相.....hehe
因為今日9點半先返元朗，可以遲一個鐘出門口，所以得閒煮下愛心早餐。而且前幾日在城市超級買了日清強力粉，聽聞做麵包好正，呢個粉一出就好快俾人一掃而空(759都長期缺貨)，所以咁啱見倒就即刻入手。今次我用左日清孖寶 - 日清強力粉 & 日清酵母，睇下日本仔D野係咪真係咁正先!
雖然我用左日清孖寶，但我都係太懶無做湯種法，只係按最簡單的懶人麵包機做法，前一晚將D材料一次過放曬入機內set定時間制焗麵包。雖然係咁，但我都會將D牛奶加熱至27度奶，介紹下我個廚房寶貝 - 食物溫度計，係買美心盤菜送的，沖咖啡打奶泡都係靠佢，好好用!
除左溫度計，我另一個廚房寶貝 - 電子磅亦幫我唔少，呢個電子磅係淘寶貨，RMB2X，有歸零功能，非常好用，我好多野都係靠佢秤!
就係咁將所有材料放曬落部機度，set好8小時時間制，早上7點半麵包即可新鮮出爐! 早上起身時滿室麵包香!
呢舊就係成品了! 我同肥肥兩人要三天早餐才可KO呢個麵包! 你問我今次用左日清孖寶好食嗎? 我覺得同我之前買果D無牌子的日本高筋粉差唔多味，反而我下次要落多d奶，或者落北海道奶會仲好味D!
沒有留言:
張貼留言