(還有位企可以影倒個正面，正能量爆燈!)
或者人地會覺得我帶埋隻狗來看鴨鴨好癲，但係你地係唔會明，在我心目中呢兩樣咁可愛既野係屬於一對的。
波波好似好開心咁~
睇完黃膠鴨，去左文化中心的Deli & Wine食早餐，之前睇食評看過，第一次食，感覺唔錯，裝修幾有zakka feel, 但只是大家樂價錢，性價比高，可翻啅。
波波坐在人家的門口做模特
$30/份的早餐仲有咖啡一杯，坐得又舒服!
食過早餐後，難得山長水遠去到海港城，一於行下城市超級先走，同肥肥推住手推車扮曬中產咁買下野食，plan下晚餐食咩，都幾sweet~(順帶一提，海港城要消費$500先可免兩小時泊車，可憐的我們逛完城市超級先洗得三百幾蚊，仲要俾$80泊車錢! >.<)
今次在城市超級買了近期好hit的日本調味料 - 鹽麴，這其實是米及鹽的發酵品，神奇地可以用此醃豬肉、雞肉等，把乾乾得急凍肉都吱得出肉汁來。
約$3x / 190g
這是在城市超級買的超厚美國有骨豬扒，鹽麴的使用份量是肉類的10% (這次用了約30克)
豬扒醃超碼半小時，把兩邊煎香後，放焗爐180度焗10-15分鐘。
這晚還做了小番茄和risotto.
真是很厚的豬扒，我估有1寸厚! 切下去還保持著粉粉的肉色，肉汁也很豐富。可能美國入口的豬肉真係會好食D， 隔天我去肉檔再買的本地豬都無咁好食。
星期天同肥肥到市中心閒逛，剛好有吉豬島的台灣美食節，貪得意買左樽台灣鹵水汁回來，試試模仿我同肥肥在台灣掃街一定幫襯的台式鹵味!
就是這一樽 $29.8/2樽
我學了台灣人做鹵味的主要配搭 : 鹵蛋、雞翼、豆腐同鴨腎，原來個鹵水汁有少少微辣的，當中我最愛是鹵蛋! 超好味，肥肥也很愛這台式鹵水呢! (讚~~)
沒有留言:
張貼留言