Day 5
今日是在Silawadee最後的早上, 一早打算到酒店私人沙灘玩浮潛, 點知個灘勁多石, 行唔倒出去, 唔適合浮潛, 唯有留在沙灘椅上曬下太陽, 飲杯冰凍可樂. 之後又回房浸下浴缸, 差唔多時間就check out.
離開Silawadee到另一間酒店The Kala, 其實就在Chewang往Lamei的公路旁, 之前已途經幾次了. 我地訂的房間是Depluxe pool villa seaview, 可是他給我們的房間的seaview是被樹遮住的, 而且private pool就在public pool旁, 位置不佳. 唉, 我唯有被迫使出港女奄尖的臭臉, 使staff說明天幫我換另一間房.The Kala都為我們擺了靚靚的honeymoon setting. 今次我玩完D花後執番佢, 留番夜晚浸花瓣浴.
Settle down後, 我們便去距離酒店3分鐘車程的海景海鮮檔食lunch, 超近. 我地坐了景觀最好的位置, 180度超靚海景無遮擋.上次肥肥揀左花蟹來炒, 今次我寧願俾貴D都揀肉蟹, 從來做粉絲蟹十分適合. 呢度仲有中式蒸魚, 不過佢無游水魚, 但食落都唔錯. 呢餐我地實在叫得太多, 多到食唔曬, 二人大約HKD$500. 仍然覺得物有所值, 決定離開前再食多次.
食完之後無野做(其實都四點), 決定渣車去蘇梅北部的fisherman village看看, 車程大約20分鐘. 去到fisherman village感覺同蘇梅其他地方好唔同, 呢度有D似蘇豪區咁, 充斥著型格酒吧及餐廳. 我同肥肥閒逛一下, 便找了一間在沙灘上的酒吧坐下. 呢間酒吧吸引我地除左有好好味既椰子雪糕, 佢地在沙灘上放了小茶几及豆豆沙發, 點了洋燭, 播住輕快的Jazz music, 同肥肥食住雪糕(正確來說係椰子雪糕上加Baileys), 感受日落, 真係好hea.
晚上就在fisherman village求其選了一間在沙灘上的餐廳食. 太黑都看不清菜式. 之後便回到酒店. 原打算到private pool游夜水, 點知下起雨來水太凍, 改為在落地玻璃窗的浴缸內浸花瓣浴了.
- 這裡的餐廳有鯊魚賣
Day 6
睡到自然醒, 這裡是serve all day breakfast, 不限時間, 只是沒有任食的. 我同肥食到差唔多十一點, 再回villa游水水, 到差唔多一點酒店就通知我地可以轉房.轉過位於隔離的房, 嘩, 呢間房好好多, 180度海景之餘, 仲有地下一層有私人小桌子及小石灘. 同肥肥在private pool裡又hea左一個下午.
傍晚時分同肥肥又落左Lamei, 先食個雞飯, 黑豉油配雞飯好好味!!再游下個海灘, 在海邊的沙灘椅看過日落後, 再同肥去打pool, 突然下起大雨來, 好彩我地在室內打pool, 打完又雨過天晴. 晚上我地去左食墨西哥菜, 個Teco好好味, 海鮮白汁意粉又十分creamy. 食完之後再過隔離泰按. 我今次試了腳底, 點知佢按得勁細力, 我叫佢大力D, 佢竟然要加錢, 唉, 無法局住俾佢加, 其實同大陸D腳底差唔多.
Day 7
這天是空白的一天. 因為可能是昨天的墨西哥野食物中毒, 我嘔足全日. 只是下午時分肥肥自駕到隔離間餐廳買湯粉外賣外, 其餘時間只在屋內渡過.
Day 8
蜜月最後一天, 同肥肥都好轉了. 好不甘昨天浪費了美好的last day, 同肥肥一早食完早餐, 在pool游一陣, 便去了chewang做個最後的泰按, 之後再check out. 最後一餐當然食盡佢, 又再幫襯隔離間海鮮檔, 點了最最最美味的薑蔥炒肉蟹, 仲有其他海鮮大刷一餐.
食飽後差不多離開了. 還車途中差D同入油站的入油仔開片, 不多說. 還車後租車店俾200baht車我地去機場, check in等上機仲食多杯sewsen 雪糕, 好滿足咁離開蘇梅.
沒有留言:
張貼留言