今日預約左10點鐘騎大象, 先在酒店的園林餐廳吃過早餐先~ 又是單點的早餐, 我還是選了最愛的美式早餐.
園林餐廳吃過早餐, 記得噴定蚊怕水 (餐廳有提供的)
是心形煎蛋啊~~
大象營的接送車準時10點來接我地, 直接開車20分鐘左右到了Karen's elephant camp...全程只有我和肥肥兩人, 到了大象營, 我看到我們要騎的大象在等我了....在Pai騎大象不會有椅子坐啊, 就直接爬在大象的背上, 聽起來比較人道, 始終椅子架在大象上又加重了, 可是對於第一次接觸大象的我實在很難爬上去啊, 雖然有個樓梯在旁, 但起初真係好難平衡呀, 又沒有任何安全帶之類的.....真係好怕跌下來.....
就在這台上直接跳上象背上...
起初我坐在前面, 肥肥坐我的後面.....但他說他的JJ被大象的背骨頂住, 叫苦連天, 真係笑死我! Guide在指示大象走, 我見佢用一個勾形的棍去指令大象, 雖然大象D皮好粗, 個勾應該桔唔入, 但看起來真係不忍心啊.......>.< 大概行15分鐘, 到左河邊, 開始我最期待的節目 - 和大象洗澡啊!
象伕指示大象行入河中, 但佢似乎唔係咁願意, 原來佢一路行一路痾緊屎 ! 哈 !落到河中, 大象一個翻身, 把我和肥肥掉進河中, 我同肥肥全身濕透!! 象伕則在旁一路拍攝整個過程! 都幾好玩
的!
之後我同肥肥調位, 由佢坐前面, 佢話舒服D....但佢就完全平衡唔倒, 無法坐直個身, 只可以全程爬在象頸上, 笑死我喇!!!!
之後再在田裡行左一陣, 大象好鐘意食草啊, 邊行邊食....其實全程都係1個鐘左右就回到起點, 全程都係行平路, 沒有上山落山之類的.....
回到起點, 象伕說我們可以買香蕉餵佢食...20baht/梳....我仲問使唔使去皮呢? 問來都傻, 大象的 鼻子已伸出來攞香蕉喇....原條食.....-_-" 唔使5分鐘就食曬成梳蕉......
剛餵完大象, 他們就急急腳咁送我地返酒店....成個過程只係2小時左右.....起初我以為可以同大象有深入的溝通 (?) , 但整體感覺就似係一種遊客活動咁.....所以我應該以後都唔會再玩騎大象了.
回到酒店洗個澡, 再部出發去食午餐 ! 今天午餐的餐廳是"baan benjerong", 以正宗泰北菜聞名, tripadvisor說這裡的服務不好但食物很出色, 所以我地又即管去試下....距離酒店大約10分鐘車程, 可能已經係午市的尾聲, 只有一枱泰國人. 我們就找了一個窗邊的位子坐下, 點了幾款推介的菜色.
雞肉椰汁湯 (同我在cooking class上做的差唔多口味^^)
脆炸豬頸肉配香草 - 幾香口, 唔錯
咸蛋魷魚炒蛋 - 咸蛋好香口啊, 好味
veggetable dipping - 這次是用生吃的蔬菜點汁食, 好似生菜包咁, D汁係蝦醬肉碎, 幾好味
總括來說這一餐不錯吃, 但二人就食左650baht (HKD159), 相比起昨天晚餐就較貴了~吃飽後我地就再駕車去第一個景點 - Coffee in Love. 這裡景點的路很易找, 全部都在同一條1095公路上, 只要沿大路一直騎就可以了! Coffee In Love就是之前泰國有套愛情劇 - 愛在拜城 的取景地, 電影我沒看過啦, 只是覺得這間小黃屋很有Fu, 加上開揚的景色及38度的高溫, 吸引我同肥肥在coffee shop喝杯咖啡......都幾舒服啊~
這間小黃屋很有瑞士Fu吧, 很多人在這裡拍照, 但原來這是一間民宿啊, 有人在入面住的! (笑)
旁邊就有一間咖啡店, 種滿花草
俾我地搵倒個最好景觀的位子坐下, 其實全間咖啡店都只有大陸人的顧客 -_-"
在這裡再往前騎10分鐘, 就是Strawberry Farm, 一個無聊到爆點的景點....但居然放了一個愛情鎖...無無聊聊又買了一個愛情鎖. (哈, 因為中左星星毒)
其實這天是結婚兩周年紀念啊...就在這裡留下愛的足跡吧
又往前再騎5分鐘, 便到了Pai Canyon (拜縣峽谷). 峽谷是屬於小型的, 要走上一個小山上, 但景觀都幾好, 從高處望向峽谷底都有D驚驚啊, 我鐘意睇呢D自然景觀多過人造景點lor~
之後我地又再出發去最後一個景點 - 二戰紀念橋, 在騎車離開Pai Canyon不遠處, 看到剛才一對說廣東話的小情侶發生電單車意外啊 !! 兩人不知是不是入彎太急, 兩人的手腳都受傷到流了很多血 !!! 我立即停下車看看有什麼幫忙, 其實我都沒有急救用品, 於是就給他們一瓶水清洗傷口, 半包紙巾, 和叫他們快點回去. 這天晚上在夜市又遇到這對情侶, 原來他們是澳門人, 去了醫院包紮傷口啊....看到他們的經歷, 搞到我都心有餘悸....更加唔敢渣得太快了......
到了二戰紀念橋, 我可沒有研究歷史呢....而這條穚已經轉變為旅遊景點了, 還放了幾部摩托車模型供人拍照留念.....我只是覺得橋上的風景太優美太舒服了.....
空氣很好, 風景優美
完成今天的景點, 一路騎車回到鎮上, 一路覺得奇怪.....怎麼交通燈都沒亮啊? 回到酒店才知道, 我們遇上千載難逄的全鎮大停電啊 !!! OMG !!! 不知要維修多久呢....幸好酒店有發電機, 可是只能開1小時....沒法了, 反正沒特別事情做, 只有襯天色未黑, 在餐廳玩"以色列麻將".
晚飯時間, 全鎮仍是大停電.....黑漆漆一片, 只有微弱的燭光, 原定今晚會到鎮上的浪漫餐廳吃晚飯慶祝周年紀念.....但大停電連街燈都無, 如果只騎一架小綿羊仔真係好危險啊.....唯有算了, 叫酒店用tuk tuk車載我們到鎮上買點吃的吧......好彩, D車仔檔仲有開 (大家都點著蠟燭)....
於是浪漫餐廳吃晚飯變了掃街吃了...(哭)
幸好中途電力回復了 ! 起碼回去時都有冷氣嘆 ^^
回到酒店, 原來肥肥一早安排酒店送來一瓶香檳慶祝, 嘻, 算佢有做野啦, 是日晚餐唯有香檳配街邊小食啦~
這晚又再玩"以色列麻將", 肥肥似乎俾我更沈迷呢個遊戲....呢個game要用腦架喎, 佢有架咩? (笑)
沒有留言:
張貼留言