個旅程都未出發, 先有波折重重的訂酒店篇. 因為事出突然,而且本小姐智勇雙存, 把問題逐一解決, 真係要寫下blog先!
講下背景先! 話說我同肥肥上年已經訂左今年去布吉的機票, 是Airasia的特價飛, 二人來回連雜費及稅只是$1821, 足足一年前訂票, 望到頸都長終於等倒仲有兩個禮拜出發!
我果然貫徹地獄黑仔王的封號, 想去邊邊度就會出事. 先有歐州火山爆發, 再有日本地震, 今次又來泰國水浸!! 不過好彩是受災是曼谷周邊, 布吉未受影響. 總之我同自己講, 只要飛機降落倒我都會出發!
計劃周詳的我點少得一早訂定酒店呢? 上年訂機票時做了一件十分白痴的事, 就是訂了11月頭的機票. 後來才記起原來布吉11月是旺季開始, 酒店房價由十月的價錢一跳跳升30-40%!! 搞到今次揀酒店都要諗過度過, pre-wedding photoshoot已經係一大開資, 真係樣樣都係錢!
我於8月時已經booking.com訂了兩間酒店, 因為是夜機, 所以在機場旁訂了cheap cheap一晚的 Nai Yang Beach Resort, 之後6晚就住Kamala beach的 Cape Sienna. 這間酒店的景觀一流, 很有feel, 不過筆直所限, 只能揀普通房型, 無緣住這酒店最出名的獨立Jacuzzi的房了.
經booking.com訂酒店的最大好處, 就是部份酒店提供入住前14天免費取消, 啱曬我呢D地獄黑仔王. 而且仲唔使一早prepaid, 十分方便. 直到昨天去泰友營forum時, 發現TravelZoo做團購優惠, $2388入住Cape Panwa 3晚套房, 保證升級Cape Suite房型, 戶戶對海之餘仲有獨立私人Jacuzzi!! 以每天$780的價錢有咁既酒店(經booking.com book 此房要$6XXX/3 night), 真係超抵. 雖然要pre-paid同non-refundable, 我都照買了.
但這個團購優惠最危險之處就是要先買先付款, 再自行電郵到酒店在入住日子以先到先得方式做reservation, 咁即係話會有俾左錢但又book唔倒房既風險! 所以我一俾錢之後就即刻send email去book. 但隔了一天都未收到酒店的confirmation,真係好焦急啊! 忍了一個上午, 我終於忍唔住決定打個長途電話去酒店, 同泰國人用英語在電話溝通真係有難度, 好在他們說因為太多enquiry所以趕唔切答email, 我的訂房是confirmed的.
好了. 成功訂了三晚較偏僻的Cape Panwa, 決定頭三晚住近鬧市一點.所以我選了芭東新開業又大獲好評的The Nap Patong. 而且如果訂non-refundable的policy可平HKD600, 我就立即定了. 重新確認新的兩間酒店後, 我才取消之前訂的酒店, 這樣才較保險.
先取消Nai Yang Beach Resort的booking, 十分簡單在booking.com click幾個掣就無條件取消了, 再來是Cape Sienna, 怎麼要收取我THB9000 (相等約HKD2000)的罰款!? 無理由架, 明明昨日睇仲可以免費取消架喎!! 原來我看漏了, 這間酒店的最後取消訂房日居然是19/10 23:59 !!?? OMG! 只是僅僅慢了12小時! 不是吧….
心裡十分焦急地盤算著, 因為其餘的酒店已全confirm且不能退款, 難道我真是要罰錢? 所以我決定再打電話到布吉的cape sienna酒店,問下佢可唔可以唔好收我罰錢, 她說如果直接經酒店預訂先可以waive, 但經booking.com訂就要同booking.com deal先得….好灰啊…
我決定再打電話到booking.com, 因為這是一個環球網站, 它的中文客戶服務應該在大陸吧, 所以要用普通話再簡釋一番, 她立刻幫我打電話到酒店查詢, 終於可以特別批准waive左我的penalty, 真係放下心頭大石啊…..
太好了, 今次可以用比預期較低的價錢, 享受更好的酒店. 在此真係要讚下booking.com, 大家如要預訂酒店記得用佢呀!
沒有留言:
張貼留言