窮遊世界 - 泰國清邁拜縣之旅 Day 3

Day 3 : Mini van to Pai --> walk in Pai night market

今天的行程是travelling to Pai. 經民宿預約了11am到Pai的Mini van, 我大約8點半起床, 從容地吃過早餐後, 便借了民宿的單車, 襯著早上清涼的天氣在古城內踏單車. (肥肥則獨自在房間繼續訓覺)

今天吃了scramble egg

古城的主要道路交通可真是繁忙, 電單車、雙條車、私家車和行人爭路的情況不少, 試過要橫過馬路要有像大陸過馬路一樣的勇氣. 雖然我踩單車的技巧很好, 但沒有倒後鏡始終都有點危險啦, 所以還是不建議在古城踩單車...

11點半Aya Service的接駁車才來民宿接我們, 我們被擠上一架雙條車開往Aya位於火車站旁的店....滿座的雙條車加埋每人的行李真是有點像賣豬仔的感覺, 大約20分鐘便轉車, 坐上開往Pai的麵包車內.

早在半小時前我已經吃下暈浪藥, 是在當地藥房買的, 才10baht有10粒. 看攻略都知道路況很差, 果然如是, 麵包車的空調很弱, 坐位又擠, 所以感覺焗促. 3小時的車程, 頭1小時主要是鄉郊小路, 之後2小時就是主菜, 不知誰統計過全程有超過 7 0 0 個彎 (大概有80%的彎是集中在後2小時內, 即平均每分鐘轉4.6個彎啊......OMG >.<) , 上上落落像羊腸的山路, 睡不著覺只可聽音樂打發吧....這令我想起多年前我由麗江前往盧沽湖的路.

幸好中途有一個休息站, 可以吃下雪條去下廁所休息. 其實部份山路的景色如畫, 但...真係轉彎轉到無心情看了....

前往Pai的中途休息站

 



 終於到達Pai 了, 大約3點左右到達Aya Service的落客點. Pai的town center其實只由幾條街為主, 街兩旁都是小店, 落客點的位置算是全村最旺點吧! 下車後便在Aya買了回程的車票, 再請他們幫手打電話給Pai Island resort. 大約5分鐘, resort的免費tuk tuk車就來接我們啦~

到達酒店的接待處, 接待人員先遞上一杯welcome drink, 再簡單介紹一下酒店設施, 我又經酒店預約了明天騎大象的行程, 400baht/人包接送. 之後便入房了.....

我預訂的是Island Honeymoon villa的房型, 是這間酒店最便宜的房型了...每個villa都有竹籬笆圍著, 打開籬笆就是自己的私人空間了....我同肥肥兩個開心的大鄉里十分enjoy啊, 請容我曬命介紹一下房間吧~~~

入了私人花園, 便是獨棟的villa

是我最向往的公主紗曼床啊~~還有心形的毛巾天鵝 (心心眼)

villa 外分寢區, 洗漱區和小廳, 走的是非洲原野風格

花園內還有個戶外浸浴的浴缸, 可通知酒店人員幫忙放水

還有一個對住小溪的陽台, 不過都幾多蚊, 我就無咩留在這

戶外浴缸旁還有一個戶外shower, 日頭在這裡shower十分爽皮

 

酒店又介紹了Pai的主要景點, 雖然有免費tuk tuk接送到town centre, 但去遠一點的景點就不可以, 而且又只可9點前使用, 所以我們還是決定去租電單車吧. 所以稍稍休息後我地就出左去市中心的租車和食野. 原先有間地道泰菜館是網上介紹的, 點知去到好似咩都已經賣光, 肥肥又在這店內發脾氣, 搞到我十分唔開心..... 我地唯有轉左去食泰北著名料理 - 咖喱麵 Khaw Soi.

咖哩麵確實是令人驚艷的隱世美食, 說沒吃過咖哩麵等於沒來泰北也不無道理. 香濃的咖喱湯汁, 加了椰奶的香甜, 上面是脆卜卜的炸麵, 湯汁內的應是粗麵的蛋麵, 好好味啊~吃後把我的心情都回復了.

吃飽了才有心情繼續活動, 我地去左最出名的Aya Service租摩托. 我覺得Aya應是Pai自助旅遊的主要門戶點吧, 我地揀左最基本最低cc的一款scooter, 起初都有點擔心架車夠唔夠力載我同肥肥兩人, 其實開慢一點就ok啦~因我只會駕駛最基本的摩托, 全automatic的.

大家可能擔心香港人租電單車的問題, 我就簡單說說吧.....1. 不用駕照. 2.租車的人會問你識唔識渣, 我其實2008年在台灣墾丁旅行時渣過後, 就沒有再渣過啦, 於是我答 : yes but haven't drive for years. 佢地都無問題照租俾我, 還教我點"撻匙". (其實就是把鎖匙著左去ON之後, 同時按左邊的brake及右邊的黃色"撻匙掣"). 我試行了一個圈後, 就載著肥肥周圍去啦~~ 呵呵呵.....價錢就真係平到無朋友啦, 2天租車貴只是180baht, 再加埋保險同頭盔, 只係360baht (hkd $88), 香港租單車都唔得啦

其實駕駛這種電單車真係超簡單, 基本上就好似電動版的電車, 我依家有駕駛四個碌的經驗後, 渣呢D綿羊仔簡直得心應手啦~ 呵呵呵呵

呢架就係陪我2天的愛駒 ^^

 

渣住綿羊仔隨便在路邊找了間餐廳, 吃了炸豬皮和香腸, 肥肥喝了啤酒, 我就喝了椰青,

 

 Pai 的是小鎮的步調, 沒有清邁的繁忙, 但慢得來又有很多特色的小店, 很有趣味, 不會像大陸咁落後.....真是很愛這小鎮.....吃吃喝喝大約5點幾, 夜市的小攤檔又開始set up,  而我地就返酒店叫他們準備好浴缸俾我地浸浴...

想不到酒店還安排左小燭光放在浴缸旁, 還點了lemongrass的香薰驅蚊, 晚上的氣溫大約17-18度左右, 泡澡很舒服~

泡澡後d累氣又出曬黎, 又肚餓了....我地就騎車到酒店介紹吃泰國菜的地方 - Na's Kitchen 吃晚飯, 這裡幫襯的都是老外為主.....隨便又點了一滿桌的菜.....

泰式菠蘿炒飯, 冬陰公湯, 蝦醬炒通菜, 還有一大條炸魚配甜酸醬, 還有凍西瓜汁和凍香茅特飲, 只係435baht !! (hkd 106.8) OMG~~超級抵食!!

香芧特飲

泰式菠蘿炒飯

炸魚配甜酸醬

冬陰公湯

蝦醬炒通菜

吃飽飽便去逛步行街, Pai的步行街店舖有特色之餘又唔會好似清邁咁多人, 可以好舒服咁逛, 好享受啊~

忍不住還買了香蕉薄餅做宵夜, 配料係nutella花生醬, 朱古力醬同煉奶.....魔鬼美味啊~

 

 

回酒店吃著宵夜, 配上免費送的兩杯紅酒, such a good night~

窮遊世界 - 泰國清邁拜縣之旅 Day 2

Day 2 : Cooking class --> sunday market

雖然前一天都幾夜訓, 但今日要去cooking class啊, 所以8點就落去民宿餐廳食早晨啦, 係單點不是自助餐, 我點了美式煎蛋的元氣早餐, 配garlic bread, fresh fruit, 菠蘿汁同咖啡, 好滿足啊~

8點半左右, cooking class 派了一架雙條車接我地去一個街市, 因為cooking class其中一個節目就係介紹街市. 各同學大約介紹下來自咩國家, 我地一班12人, 只有我同肥肥係香港人, 其他全部都係老外, 就是沒有內地人參加. (\^o^/)
導師是Sammy, 都幾風趣既, 課程全程講英文, 唔怪得無內地人上課. Sammy先介紹泰國米, 米的泰文是Khaw, 簡單分jasmine rice同sticky rice兩種啦, 對老外來說很新奇, 但我地中國人日日都食米, 香米同糯米, 都很清楚啦.

反而是椰子的介紹新奇D, 原來泰國菜常用到的椰奶係用新鮮椰肉鮮榨出來架. 即場見倒由椰絲榨成椰奶. 之後就行左一陣街市, 再上雙條車到達位於郊外的學校.

 

 

首先Sammy在田舍內介紹幾款煮泰國菜的香料, lemongrass, kaffir lime leaf, 南薑, 黃薑等等, 之後就開始做咖喱醬, 要用個石盅係咁搥碎D香料, 記得唔好望住黎搥, 如果唔係好易彈入眼, 肥肥就中蕉喇, 俾辣椒彈入眼啊....

 

之後我地切切煮煮, 每人做了三個菜, 開始午餐喇~ 我做了腰果雞丁, 椰汁雞湯, 青咖喱雞. 肥肥就做了炒pad thai, 黃咖哩雞, 冬陰公湯. 我地特登揀不一樣的菜, 咁就可以試多D唔同野麻 ^^

 

 



 

 

食完午飯後我地就午睡一小時(哈!) , 順便幫襯下佢個好開揚又種滿植物既廁所~

下午就再煮多兩個菜, 肥肥煮的是芒果糯米飯同青木瓜沙律, 兩樣都係無難度, D食物早已切好曬, 齋撈埋就ok. 我就做了炸春卷同椰汁香蕉,  椰汁香蕉估唔到咁好食, 又易做, 不過果兩片綠色葉香港唔知邊度搵....

課程完結, 影張大合照吧~

 

 

 

回到民宿大約5點, 洗個澡, 再經民宿安排了兩位按摩師在小庭園按摩, 又平又舒服, 肥肥的按摩師竟然係人妖啊, 笑死了, 我問肥肥係咩感覺, 佢話果位人妖同佢按時仲好溫柔咁摸佢, 毛管棟了, 哈哈!!

 

按完後我地就行15分鐘去super rich唱錢, 之後就行Sunday Market喇, 超多人啊, 比昨天的weekend market人更多, 有時更加水滯不通!! 我們的晚餐就在周日夜市解決了, 今次我終於出手了, 買左D小工藝品, 部分貨品都幾有心思, 是handmade的, 不像一式一樣的貨品.

 

 

未行到一半已經腳跛了, 我地決定放棄去左按腳, 好舒服啊~~按完後明知行十餘分鐘就可以回到民宿, 但我又累到爆點了, 直接搭tuk tuk回去訓覺. 肥肥估唔倒仲有精力, 襯我訓著就出去食多6碗泰粉同飲酒, 4點先返來訓....



窮遊世界 - 泰國清邁拜縣之旅 Day 1

Day 1 : 香港-->清邁-->Nimmanhaemin Rd --> weekend market

吸收過上次去沙巴差D上唔倒機的恐佈經歷, 今次我地預早左到機場. 因為我一早就上網check in左, 又無寄艙行李, 唔使去T2 check in, 直接入閘上機就可以. Airasia兩次都提早左登機時間, 好彩我地早左入閘ja, 食埋個早餐就等上機.

Airasia搭過好多次啦, 無電視無飛機餐, 所以一早食定早餐, download定電影上機睇. 3個小時的航程, delay左半個鐘啊....根據以往過關的經驗, 落機還是第一件事都係要立即去過海關, 否則可能要等好耐啊.

順利好快過倒關, pak chiang mai的接機人員已在舉牌等候了, 原想在機場找賣電話卡的舖頭, 但接機人員說機場無得賣電話卡 (?), 咁我地就唯有直接上車啦. 約20分鐘到達Pak Chiang Mai, 立即被特色佈置吸引了, 一杯清涼的姜茶飲品把38度的高溫降溫, 小庭園佈置得好漂亮啊, 仲有煙霧噴煙的裝置, 坐在庭園感覺清涼.

 

在大堂登記期間, 行李已經搬左上房啦. Premium room就是床大一點, 房間大一點. 房間早已開住冷氣等我地, 好舒服. 可是沒有電視.....我估佢地係特登唔裝電視, 可能想客人可以放鬆, 所以有部CD機可以播放抒情音樂 (CD呢樣野真係有點old school....好耐無播過碟 ^^)

 

之後我地出外打算買電話卡, 點知去左一個專賣電子產品既地方佢地都無得賣 !! (只有nano sim, 沒有micro sim卡 >.< ), 我地決定唔再浪費時間搵電話卡了, 出發去Nimmanhaemin Rd逛逛...截了一架雙條車, 佢收我地40baht/人, 我都感到有古惑, 我見倒之後上車的鬼妹都只係俾20baht !! 嗚....初來步到就俾人呃了....(果然回程時只係20baht)

 

Nimmanhaemin Rd是清邁的型人潮人區, 起初諗住搵泰有營介紹果間泰菜食, 但唔記得download個地圖, 搵唔倒....諗住四圍閒逛一下, 點知低估左38度的高溫, 真係無辦法在街上行走, 我地亂咁行, 行左去專食芒果甜品的Mango Tango, 好多中國人去啊, 基本上全部顧客都係中國人, 其實我地無咩興趣, 但出面太熱喇, 唯有入去坐低叫杯凍飲.

味道普普, 同許留山差唔多, 價錢都唔平

 

 

太陽仍在猛烈地高照著, 街上沒什麼行人, 大家都留在室內吶涼吧! 這裡有不少型格及relax的cafe呢, 我地行左一陣, 又頂唔順入左一間cafe飲咖啡.



 

 

5點左右, 太陽開始落山, 人們慢慢出來活動, 我地去左另一間好有設計感的雪糕店 Iberry, 巨型的粉紅狗很eye catching, 可是我沒有興致食雪糕, 坐在樹下飲冰水也一樣可以 (冰水是免費的).

 

運完吉後, 搭雙條車回到古城內, 果然只是20baht/人....今晚我地去食一間放滿古董裝飾的泰北菜餐廳 Huen Phen, 點了泰北香腸, 而泰北菜有一道是白灼菜配不同的dipping, 這個是點番茄蛋的....都幾特別..因為想留肚食weekend market的車仔檔, 所以無叫澱粉質食物, 兩人食左400baht左右.

 

 

食完飯步行15分鐘回到民宿, 稍稍休息後, 就去行weekend market啦, 周六夜市就在民宿一出路口就是, 好熱鬧啊, 一開始就有好多車仔檔賣宵夜, 有串燒, 泰國湯粉, 泰式炒河粉.....好多人食, 好熱鬧

 

 

食飽之後便去行下周六夜市, 以售賣工藝品為主, 亦有唔少民族衫褲, 人山人海, 好似行年宵咁.....

 

可能第一晚到, 無咩購買慾, 行左好耐先行完步行街, 腳都快跛了, 街尾有tuk tuk車等客, 我地問tuk tuk司機附近有無按摩店, 佢話無, 要去遠少少既地方先有, 我地太累了沒多考慮就信佢, 佢就車左我地去較遠的按摩店, 車錢要100baht, 按摩要500baht/2hrs , 不算便宜....不過算啦肉隨砧板上, 又當羊牯了 (其實都只係hkd125/2hrs)....還是按了2hrs, 手勢其實還不錯, 而且又有獨立冷氣房.....回到房間差不多1點....累到仆街呀.....