昨天完成7天(其實扣了夜機只有6天)翻卓布吉. 好襯新鮮熱辣blog下先!
廉航Air Asia
促成今次布吉之旅係基於一年前看到AA的廣告所以立即上網購買了. 淨機票價來回$336很是吸引, 不過廉航的手法是什麼都要收費. 燃油附加費稅$380+保險$45+二人25kg行李$237+揀位費$45 (這個要買, 不然三小時機程要同肥肥分開坐我可不願), 合共$938/人, 還是便宜.
除了pre-booking的服務, 其他即場使用的服務都要收錢. 例如無上網預先check in 要收$ 飛機餐要加$, 飲杯水都要$, 手提行李超過7kg/1件要$, 機上沒有任何娛樂, 幸好使用機上的廁所還是免費, 機上亦沒有擾人的音樂或推銷, 比起一些歐洲的廉航, 都算係咁.
AA的地勤服務亦較遜. 不設市區預辦登機, Check in (其實是行李寄倉) 是在機場的T2, 但上機卻在T1.出發時亦有少少Delay, 約15分鐘. 坐位很窄, 比起九巴座位更窄些. 不過, 所謂"你有張良計, 我有過牆梯", 沒有飛機餐嗎? 我自備零食和飲料好了. 沒有娛樂嗎? 我自備書本, 雜誌, 還有Iphone音樂. 沒事便睡睡. 三小時還可以. 可幸的是, 空姐都幾索.
回程時, 還有些泰幣未使曬. 買了一份飛機餐. 雞飯130baht(HKD$33), 不貴, 但份量少得可憐. 大小只有一個Iphone咁大....汗...餵雀咁....
唱錢@百年
夜機到布吉, 當天下午到中環取衫, 順便到中環百年唱錢. 早上打定電話預約(只接受$5000以上預約, 4:30後只接受預約唱錢), HKD$1=3.9baht,全年最高rate, 布吉當地只有3.87, 好開心. 另留唱了HKD$14000 (即54600baht), 當中30,000baht(即HKD7692)是影婚紗相的, 另預留HKD1500 spare錢.
我預計的錢沒有計算肥肥的酒錢及買波衫錢, 所以比預期中使多了2300baht, 用visa card 支付, rate只有3.79, 即hkd607.
所以二人於布吉使費(未計酒店)是HKD$6915. 機票$1876/2人, 酒店$5802, 共支出$14693, 平均$7296/人. (不包括婚紗相)
交通@布吉狂熱Man哥
今次沒有租車自駕, 因想多點時間留在酒店內, 租車不划算(如租車自鴐, 約1,000baht/ day after bargain). 起初打算租motorbike玩玩, 在芭東街邊租200baht/ 24 hrs, 有點心郁, 不過咁啱俾我見倒有交警在路邊截查騎motor的遊客, 好彩我無鋌而走險, 唔係penalty問題, 而係要去警署交錢好能煩.
所以我在forum上找到了很多HK人book車的agent, 人稱Man哥, 香港人, 我沒有同佢傾過電話, 亦沒有見過真人, 只是一直用email溝通. 我一共book了三程車連司機, 接機600b, 轉酒店連玩6小時1200b, 送機連玩2小時1000b, 我沒有刻意格價, 不過就我所見價錢都幾fair, 而且司機好準時, 又nice, 車又舒服, 真是不錯.
