{其實唔難} - 德國咸豬手配香腸

昨天從某煮食谷內看到谷友分享德國咸豬手的食譜, 心血來潮想立刻試做! 材料相當簡單, 大前提係要有一個強勁的焗爐, 我個cheap cheap焗爐開到220度時好似就離cher爆咁, 成個廚房冒曬煙 !! 好驚驚....唔通真係時候要換個焗爐??

做法 :  (參考自網上食譜)

材料 :

金妹嘜急凍咸豬手  1隻

啤酒 (麥啤更佳) 2罐

香葉 5片 白胡椒粒 10 粒 白醋 2湯匙

1. 先把豬手解凍。燒一鍋水(約可浸滿1隻豬手)，加入香葉、白胡椒粒、白醋和250ml啤酒、豬手，水滾後小火煮45分鐘。

2. 把豬手盛起，用廚房紙抺乾水份，用豬插在豬皮桔隆，然後風乾20分鐘。

土炮風乾法 (廚房太小很混亂.....羞≧◇≦ )

3. 之後把豬手浸在餘下的啤酒內約15分鐘。同時預熱焗爐。

4. 把豬手放在焗架上，放入焗爐，盡量令豬手上下有空間，架下再放焗盤盛著焗豬手時滴下的油方便清洗。以220度先焗15分鐘，取出向整隻豬手抺上啤酒，反轉再焗15分鐘即成。

是日晚餐的table setting

吃時可沾黃芥辣來吃，表皮是勁香脆的，而且吃起來亦有很香的啤酒麥香味。沒想到以$60的街坊食材可以做得出德國餐廳$200的風味 v(￣︶￣)y  肥肥說給這一餐100分呢 ! 大成功~!!

紅菇響螺瘦肉湯 (附食譜)

從雲南帶來了優質的紅菇, 香港較少見。紅菇含有人必需的多種氨基酸等成分。具有治療腰腿酸痛、手足麻木、筋骨不適、四肢抽搐和補血、滋陰、清涼解毒及治療貧血、水腫、營養不良和產婦出血過多等疾病，還具有增加機體免疫力和抗癌等作用，對女性是天然的補品。

紅菇到現在為止還是無法人工栽培，所以是純天然食品，但紅菇品種很多，只有正宗紅菇才有獨特的營養價值，其它品種的紅菇只是普通的菜菇。

左邊的才是正宗紅菇，菇傘概頂部中央是深紅色或者暗紫色，菇底呈藍色。

紅菇本身味道一般, 所以我用了美國響螺片令整個湯的味道提鮮。肥肥說這個湯非常鮮味，令人不停添飲!

紅菇響螺瘦肉湯

材料 : 

紅菇  70克

美國響螺片 150克

宣威火腿(去肥)   2片

瘦肉 半斤

做法 :

1. 響螺片洗淨浸軟，因為我用的響螺片較大隻，起碼要浸4小時。浸軟後把浸水隔去沙備用。

2. 紅菇洗淨浸軟，浸軟後剪去腳部泥的部份，把浸菇水隔去沙備用。豬肉出水。

3. 煲水6碗，水滾後放入所有材料、浸菇水和浸螺片水，小火煲2.5-3小時即可。

20分鐘簡單上桌 - 蜜糖刁草芥未汁伴三文魚(附食譜)

有時行Ikea的餐廳會吃到刁草三文魚, 其實自已做也很簡單. 三文魚中含有豐富的不飽和脂肪酸，能有效降低血脂和血膽固醇，防治心血管疾病, 我使用的是在街坊超市買到的挪威三文魚. 我做的方法是簡單用湯煮, 不用油, 吃的時候再配上蜜糖刁草芥未汁, 20分鐘即可上桌, 很適合放工做晚餐.

材料 :
三文魚 2件
雞湯100ml
水 200ml

蜜糖刁草芥未汁:
新鮮刁草(Dill) 1小扎
Cream Fresh (或yogurt) 2湯匙
檸檬汁 2湯匙
蜜糖 2湯匙
芥未 2茶匙

做法:
1. 把水、雞湯煮滖, 放入洗淨的三文魚, 小火煮8-10分鐘, 盛起放於碟中。
2. 把蜜糖刁草芥未汁所有材料拌勻, 淋於三文魚上即成。

20分鐘快速法式早餐 - oeufs en cocotte (Egg in pot) (附食譜)

想在周日享受一頓美味的法式早餐一點也不難, 只要買對了材料, 20分鐘便可做出經典法式菜式oeufs en cocotte (Egg in pot). 這菜式要用到法式酸奶油Crème fraîche (Cream Fresh), 是介乎於Heavy Cream與Yogurt之間的cream, 有點似Sour Cream, 含 30–45% 的牛奶脂肪而PH度約 4.5, 味道帶酸. 是法國菜中常用的乳製品. 在香港, 可以在City Super買到.

法式酸奶油Crème fraîche

材料 (2人份) : 

雞蛋 2 隻

Dill 刁草 適量

煙肉 適量

Paprika , 盬, 黑胡椒少許 (原食譜使用Nutmeg (肉豆蔻) , 但因我沒有又不打算買所以用了Paprika紅椒粉)

步驟 : 

1. 焗爐預熱180度.

2. 取一焗碗, 加1湯匙Crème fraîche, 加少許Paprika , 盬, 黑胡椒略拌調味, 再打入一隻雞蛋

3. 加入少許刁草, 再加1湯匙Crème fraîche, 把整焗碗放入一個有深度的焗盤內 (我用LC 25 Oval), 於焗盤內注入熱水至約半個焗碗的高度.

4. 放入焗爐以180度焗15-20分鐘.在焗緊的同時可把煙肉煎香至金黃香脆. 

5. 焗完後在再加入已煎香的煙肉即成.

配埋昨天在ABC Cooking Studio做的提子玉桂卷, 作為早餐真係好適合. 雞蛋與Crème fraîche真是非常夾~.

貴婦麵包體驗課 - ABC Cooking Studio @ PMQ

烘焙對我來說是一個未知的領域 , 對於各種材料的分量；手感、技巧、時間的掌握實在很難像其他料理般單靠看文字和圖片的食譜就可以有樣學樣, 親身教學對於我呢種超新手來說是必要的。

雖然曾有用麵包機做麵包的經驗, 但做出來的質感始終不及麵包店吃到的, 而且手搓個裝包更加係完全無concept啦. 其實ABC Cooking Studio剛開業時已有留意, 是來自日本的過江龍, 日本麵包一向都令人趨之若鶩 ; 但聽說尖沙咀店很難book位便擱置了...得知最近在中環PMQ開了新分店, 便約了好姊妹一齊貪新鮮一下. 體驗課$280 (like左佢地facebook的粉絲可減$80, 折實$200)

PMQ前身是警察宿舍, 現在已活化成專賣design野的地方, 但內部裝潢仍要保留警察宿舍的舊面貌, 例如這些綠色窗花。

我地做麵包的地方就在這光亮明淨的窗戶旁, 這裡是小班教學, 3-4人一位導師, 有咩問題都可以隨時向導師發問. 她們亦很nice.

原來做麵包的學問很高深, 呢個麵糰就係幾過第一次發酵後的麵糰, 導師教授我地搓麵糰的技巧, 測試發酵的方法, 各種配料放的次序等等, 絕非我等門外漢可從食譜書內可參透出來 , 選擇麵包課作為體驗課是明智之舉!

工欲善其事, 必先利其器 ; 話到明係貴婦麵包課, 工具方面梗係有要求啦, 有日本製的麵糰發酵機, 令麵糰的溫度和濕度都under control, 發出來的麵糰自然有水準啦~

雖然有機器幫手, 但手搓麵包中講求的手感, 必須要靠自已落手落力搓先可以半掌握倒. 呢張係入爐之前的賣相~

入爐啦~呢個爐真係勁野, 係多功能的Toshiba變頻式蒸氣微波爐(型號: ER-GD400HK), 一個爐有齊烤焗、微波、蒸煮、低溫發酵功能, 價值$5xxx, 真心俾佢毒倒了... 

出爐喇~ 玉桂提子包

仲有火腿包

焗得咁成功梗係即刻試食啦, 食落去個麵包真係好鬆軟, 好濕潤, 而且很真材實料, 同出面得一陣風既麵包完全兩回事, 果然係真正既日式麵包. 對於呢個製成品我都好滿意.

整個課堂花了近三小時的時間, 做了六粒麵包出來, 心機  是無價的. 而以$200學習到這些技巧, 絕對是物超所值. 當然在等焗包的時間了解一下這裡的課程, 這裡不像外間的烘焙學校, 反而似美容院, 要開course, 由最基本的6堂蛋糕課程($2,520) 到114堂蛋糕麵包日式料理全包宴master course  ($45,600). 定力少D都隨時一擲千金 (因為佢地環境真係幾好...). 不過我已經練成金剛不壞之身, 清楚明白自已個頭有幾大. ^^

松茸燉鮮雞湯 (附食譜)

在雲南帶來乾松茸片，是世界上珍稀名贵的天然药用菌；松茸含有3種珍貴的活性物質，分別是雙鏈松茸多糖、松茸多肽和全世界獨一無二的抗癌物質—松茸醇，有提高免疫力、抗癌抗腫瘤、治療糖尿病及心血管疾病、抗衰老養顏、促腸胃保肝臟等多種功效。總之就係好野黎架!

在雲南這幾天, 幾乎每天都吃到松茸. 但因鮮松茸只有三天壽命, 所以只可帶點乾松茸回香港. 松茸有獨特的香氣, 而乾松茸用來做燉湯最適合. 

材料 :

松茸(乾片) 大約50克

豬肉  302克

雞殼  1隻

薑片  適量

水  適量

1. 松茸先輕輕沖洗乾淨，用熱水浸15分鐘. 

2. 把豬肉和雞出水，備用。

3. 水煲滾下薑片，豬肉、雞，松茸，浸菇水要隔去沉底的沙，加入湯內，小火煲2.5小時，加鹽調味便可。

(忘記隔油了......有時間記得隔油)

松茸的香味落曬去D湯度, 而煲湯後的松茸就無咩味. 湯水好香, 令人一碗又一碗.

2014 雲南野生菌之旅Day 3-4

第三天我們計劃到附近的一個旅遊景點 - 騰沖. 雖說是附近, 但也要2.5小時的車程才到....所以我地大約下午1點才到達騰沖和順古城. 這裡好似麗江、大理咁, 係一個古城, 但和順古城是漢族的古城, 而麗江、大理分別是納西族和白族, 所以和順古城的建築風格和我們看慣的差不多, 不及麗江、大理的特色.

但和順古城的遊人就無咁多, 慢慢玩的話，騰沖可以玩兩三天, 我們只有半天時間, 難免要走馬看花.

古城的入口的一個荷花池, 正值是荷花盛開的季節.

桂花糕 - 是古城的小吃, 古老的味道, 還不錯

騰沖是有名出產翡翠的地方，到處都是賣玉石的店；呢啲石頭話可以磨成翡翠 (?) 

大陸既野....你懂的.....

午飯我地就隨便揀左一間飯莊；裝潢都算幾有特色.

直接走進廚房點菜；揀左呢種綠色的瓜, 其實是當地的苦瓜。

五餸一湯，三個人食也未免太豐富了吧~但因為有很多新奇的瓜菜想試，所以點得有點多.....

吃飽了順便遊湖散散步，氣溫約20度左右，風和日麗，好舒服. 咁正既環境好想同至愛一齊, 只可惜身邊只有我的同事...〒.〒

幾個頑皮的小朋友在小湖上跳水玩水. 就咁除剩條底褲 Σ( ° △ °|||)︴

劉氏宗祠 - 是漢族的建築風格

緬泰干巴 - 是騰沖的特色小吃，那條繩子不能吃, 吃時要慢慢剥繩，都幾費勁.

緬甸奶茶，貪得意試下

這裡還有小河畔的酒吧街, 有竹筏遊船, 很是悏意.

玩到五點，又要搭番三個鐘頭車回保山. 求其吃個晚飯，便到保山機場準備搭晚上9:50pm的飛機到昆明....點知....又Delay......在超無聊的保山機場呆了兩小時才起飛, 差不多凌晨1點才到達昆明要下榻的酒店, 怎料酒店竟然不接受香港人登記 !?!?!? WTF !!! 有錢都唔賺 ! 絕對是歧視港人 !! 

我地唯有不斷打電話到其他酒店看看是否還有空房和接受港人入住，打了四五個電話，終於找到一間賓館 - 連雲賓館. 這間賓館好殘舊, 都要四百多一晚，我地無得揀，但求有間房訓幾粒鐘就算....這晚差不多三點才訓，好累....

第四天是行程的最後一天，下午我地去左昆明水木花野生菌市場，好多新鮮的野生菌啊，還有雲南火腿，可以即場試食，啱味先買! 正~

買了宣威火腿回去，咸香味濃，好正. 午餐吃了超級美味的火腿和三文魚夾新鮮松茸~Woo~沒想到昆明人咁有創意，松茸的味道中和了三文魚的膩，好特別! 

呢碟火腿真係超美味，雲南的農家都有自已的食譜把火腿腌製，所以家家戶戶都有不同口味，而且自己腌製的火腿都用山上放養的豬，不加化學劑，真係好香. 我一直怕肥唔敢食火腿的肥豬肉，但呢個肥膏係非同凡響，真係不得不豁出去!!

晚上我地搭9:50pm由昆明回深圳的飛機, 怎料...Delay Again and again....差不多22:30起飛,差不多凌晨三點先回到家.

出差真的很累, 不斷食二手煙, 很想家.