[敗物分享] - 一年一度淘宝地毯開箱文

咁快又一年, 又到了淘宝換地毯的時候~ 上兩張地毯都是淨色的(看舊文), 而我家的牆是粉紅色, 地板是啡色, 顏色的選擇好像很少, 經一輪淘宝後找到了這間賣類似宜家設計的地毯店.

店子是國內包郵，我寄到集運處再送香港，加多rmb20直接寄到家! 集運是晚上7:30-10pm送住宅的, 時間啱啱好, 不錯的集運啊~

廢話不多說, 曬圖吧!

 

網上原圖

顏色和圖案都做得很相似, 只是細看實物的白色部份有點粉紅色的掉色, 但其實還可接受的. 質地是屬於較硬身的毛, 而且很厚實, 雖然不及軟毛咁舒服, 但感覺都不錯.

可能習慣淨色的地毯, 第一眼睇覺得好似太花, 怕唔襯屋企, 但放多幾天又覺得OK喎, 價格還可以! (地毯 : rmb 235, 集運到香港運費rmb60.5, total rmb295.5, HKD$379.8)
家裡來個英倫風的佈置也不錯!

Taobao店 : 左岸地毯店

[敗物分享] - TITICACA 大愛的Yama Girl風

最近大愛日本流行的Yama Girl風的小物, 想不到在V City居然開了Titicaca的分店! 全店貫徹品牌的山系少女風格, 連店內的sales都是從日本調過來的, 夠傳神啊~

容我曬一下新敗物吧~!

 

我自覺算是理性消費的人 (哈哈,不要臉 >.<), 斜挎包是肥肥送給我的生日禮物 (他不知道我在淘宝又淘了一個一模一樣的...哭), 復活節到廈門旅行時已經用過了,  今日又去逛逛, 一見倒涼鞋 (HKD$369)我就忍唔住敗下來了....同個袋好襯啊~~

 

買滿$500有9折, 又敗了一條dream catcher的鍊.....不便宜啊(HKD$159) 只是又貪discount買下了~

 

(照片來自官網)

 

 



俏俏話: 細心找的話淘宝或許會找到尾單/仿品呢~嘻~

官網 : http://www.titicaca.co.jp/

[和民居食屋] - 物價騰貴下抵食又多選擇

 

雜亂的又寫下近來光顧的食店, 自從V City開了和民之後, 和民成為左我同肥肥的固定食點, 以前這店剛剛登錄香港時(有10年吧!), 我都食過一兩次, 印象中的感覺是又貴又細碟的.....時光飛逝, 物價騰貴的影響下, 依家覺得和民都幾抵食喎! 二人套餐$268, 份量超多的!

而且V City有電子取票系統, 可以節省少少排隊等入座的時間!

二人套餐$268, 仲有兩杯飲品, 有7款食品啊! 隔離枱以為我真係好大食咁.......

 

燒肉盛合 (二人套餐內) 幾好味啊~ 味道不差於牛角啊~又抵食~

 

 

[川式烤活魚] 會是繼雞煲後的下一道旋風嗎?

 



記得曾經看過一篇網絡文章, 內容大約是描寫中國式的生意模式. 在外國, 即使是自由經濟下, 零售市場仍是多樣化, 大家會尊重對方的獨特性和創意，原創者可維持較高的利潤繼續經營下去; 在中國, 假如某一天某一種東西火紅起來, 一股旋風會立即湧至, 不消一刻成條街都賣同一種東西, 到時產品的獨特性沒了, 價格競爭成了唯一武器, 很快熱潮一過, 店舖又捱不住了. 肥肥稱之為 "攬炒".

在我家住附近, "雞煲"就是 "攬炒"的佼佼者. 在小小的井財街社區, 已經有5-6間主打雞煲的店. 都做得不錯的. 但最近其中一間雞煲店賣起[川式烤活魚] , $150一鍋, 吃過烤魚後再用湯汁打邊爐, 味道不錯啊, 不知這會否成為另一個熱潮呢.

 



Madam Sixty Ate - 精緻的歐陸創作料理

以前拍拖時總會很有心思找些特色餐廳試下, 但結左婚之後就少左好多, 反而多左同老公發呆在家. 今次突然有一機會可以同肥肥到高級餐廳撐下枱腳, 如果問肥肥佢一定會揀食buffet, 因為佢係一個重quantity多過quality既人, 但咁難得機會我一定堅持食一D我想食的靚靚料理!! 不知何時開始, 上館子吃飯變得好大件事咁, 不自控地研究食評, 又會每道菜影低相留念咁.....可能我已不知不覺變左個鄉下C9......

我一直都鐘意食法國菜, 好鐘意d菜色擺得靚靚咁, 未食都令人覺得賞心閱目, 而且好多時都有少少份子料理既元素, 所以感覺好"Amazing".  但通常食味方面都會令人覺得"好睇唔好食".所以要搵一間 "好睇又好食"的餐廳唔易, 經過一輪openrice爬文後就選定了呢一間 - Madam Sixty Ate.

進門就是這幅後現代野豬圖...

店內環境較暗, 走歐陸hip style.

 

 

餐廳分酒店區和餐廳區, 店內環境較暗, 走歐陸hip style.顧客看來以老外和中產為主. 廚師和侍應都是有老外, 所以點菜都是用英文. 餐廳經理也是一名老外, 他真的很友善細心, 看見客人拍照會主動幫你影合照, 見到有女仕覺得凍, 就主動咁遞上毛毯, 又不時主動和我們說笑, service真的很好.

 

晚餐主要分3 course dinner / 4 course dinner. 我同肥肥貪心地(其實是怕吃不飽)點了4 cousre dinner , $558/each. 有starter x 2, main dish x 1, sweets x 1.

 

我其實都有研究一下個menu, 但其實單看文字根本無法知道菜色是怎的, 因為菜是都是fusion加份子料理元素, 主要揀下想食咩材料做的菜的點了. (我也忘了記低菜名). 上菜前有一人一件麵包, 配的是煙燻牛油, 好香.

 

 

starter : 煙燻章魚 - 一般只吃得到煙三文魚, 所以煙章魚覺得好特別!! 我一向是煙燻食品的粉絲, 加上擺盤又靚, LIKE~

 

starter : 蟹春卷配雪糕同雪巴, 肥肥好鐘意蟹春卷, 點的雪巴(好似係vanilla味?)又唔錯

 

starter : 這是鴨肝的創作菜色, 外形好似凍肉批的感覺, 上面一層的jelly是帶點橙味的

 

starter :  pork belly - 名乎其實是燒豬腩肉, 配水煮蛋及mushroom sauce, 豬腩肉普普通通, 但水煮蛋連埋D汁超級好味!

 

肥肥的Main : 羊肉 - 非常鮮美, 一點酥味都無, 肉汁又鮮嫰!

 

我的main : 牛肉類 - 肉味超濃, 肉的四邊好似煙燻過咁, 好香, 裡面肉汁又多, 粉紅色的牛肉實在忍不住了~

 

sweet : 朱古力為主的甜品, 以香蕉蛋糕, 朱古力蛋糕, 配上士多啤梨雪巴, 不過不失

 

sweet : 呢款甜品看來平平無奇, 但味道真係好正 ! 係passion fruit的mouse, 配薑味的雪巴, 仲有vanilla 雪糕, 好清新好正!!

 

埋單$1228 for 2. 價錢同食buffet差唔多, 但就 "好睇又好食". 而且份量超足夠, 連我同肥肥兩個大食的人都感到好飽, 超滿足的一餐!

 

Happy Dinning~~!



窮遊世界 - 復活廈門 2014 Fighting之旅 - Day 3-4

這天一早Y小姐、膠小姐和A先生就要趕火車回去喇, 我同肥肥就多留一天. 其實無咩行程啦, 主要就在島上消磨一下.這旅館是包早餐的, 所以我地就先去食早餐先......

早餐有腸仔, 煎蛋, 沙律, 面包, 咖啡. 味道一般, 面包只是白面包, 沒有牛油jam, 咖啡是即溶咖啡吧, 這間的早餐有待加強啊....

食完早餐在旅館的花園周圍坐下, 影下相. 花園內有個為存在而存在的圖書室, 書架上的書部份貼了圖書館的索引貼, 唔通D書係圖書館"借"番來的?

不過圖書室真係佈置得好靚, 望出去的花園好舒服的.

無聊地待了一個上午後, 我地就出去食lunch. 午餐我地決定去 北嶼酒店的東西餐廳, 這店是吃新派的閔菜創作料理. 行入餐廳會經過酒店一些房間, 有個房間是全玻璃的浴室, 不過講真呢個設計騎呢, 誰會在人來人往的浴室浸浴?

不過間餐廳設計好modern, 超大的落地玻璃窗前有一隻懶懶的貓在睡覺, 好懶啊~

點了炸牡蠣酥, 河田雞, 炸麵糊, 炒雜菜, 味道不俗, 兩個人食左rmb200. 之後我地去左海邊步道散散步, 呢度好清靜呀.....靜到人影都無個....差D行錯路都唔知....

慢慢散步又去到龍頭路, 這次找到林氏魚丸, rmb20有8粒, 超貴呀, 但好好味的!!

之後是盧阿嬤的仙草奶茶, 有仙草, 提子乾, 花生, 超好飲的! 

之後又試了由德國老外做的手工肉腸漢堡, 即煎香的手工肉腸做得很好吃啊~



又買了這三兄弟熱烘烘的阿拉伯烤肉回旅館做宵夜吃.

 還有逛逛賣手信的店

晚上我地決定唔再出龍頭路, 就在旅館對面的Judy's Inn的餐廳食個浪漫燭光晚餐. 花園裡的晚餐只有我地一枱客, 播著古典音樂, 都幾浪漫架~

好可惜又係一個教訓啦, 就係返大陸唔好食西餐啦....諗住鋸個靚扒.....點知係outback價錢, 椰林閣質素.....甜品點了"推薦"的雪糕配蘋果批, 味道是不錯, 但蘋果批是凍的, 很失望啊.....兩個人食左rmb260

雪糕配蘋果批

第二天肥肥說早餐唔好食, 所以只有我一個人吃了點早餐, 大約10點半我地就check out 了. 搭船回到廈門島,

離開前要穿過的龍山洞

諗住打的去廈門很有名小眼鏡大排檔食午餐, 怎知....

就在碼頭有很多人等車, 就寧寧丁丁有一架的士在等客, 肥肥立即就撲上架車到, 我地話要到"小眼鏡大排檔", 司機就叫我地快D上車....上到車我見倒司機個行車証刻意翻轉了, 心知不妙...立即打開百度地圖看看位置, 發現司機不是向"小眼鏡大排檔",的方向走, 而是向了曾厝垵方向走啊!! 我立即質問司機, 他說小眼鏡是在這一邊的, 我和他理論說不是這邊, 是萬佳東方酒店的方向, 可惜司機不理會, 硬把我們車到一間在曾厝垵的"小 X 鏡"....這間根本不是我地要去的地方啊....

到達後我告訴他我不是要到這裡, 叫他車我回萬佳東方酒店的方向, 他竟說不知道點去? 我早在網上看過這類"黑的" 的騙案了, 我便叫他拿行車證給我看, 他閃縮地遞給我, 我便拿起電話想把這司機的資料想拍照, 他一手給我搶過來 !! 果然係身有屎呀 !! 事已至此, 我基於人身安全唔想同佢糾纏落去, 求其付了15蚊俾佢就落車了....我心入面真係好嬲.....

我地唯有再截第二輪的士去真正的"小眼鏡大排檔",在車上我忍不住流下眼淚, 我不是肉赤果15蚊, 而是我真係好討厭果種被騙的感覺....這的士的司機是個年輕的小伙子, 他還給我遞上紙巾, 我沒有告訴他我們被"黑的"騙了, 他主動給我留了手機號, 說在"小眼鏡大排檔"附近不易打車, 叫我們食完飯就打俾佢車我地去北站....

原來真正的"小眼鏡大排檔"是像酒樓一樣的店, 絕對不是剛才"黑的"車我地去果間大排檔!! 看到海鮮美食, 我的心情又轉好了. 我們到魚缸找個店員落單, 點了醬油水鮑魚, 蒸魚, 薑蔥蒸魷魚, 炒大蛤蜊, 炒米粉.....味道果然很好, 價錢又實惠, 兩個人食左rmb187.

其實"小眼鏡大排檔"只有兩間店, 一間是這間萬佳東方酒店總店, 是最多人食的一間, 司機說很多本地人食的.

醬油水鮑魚, rmb12/隻, 比起前天在"亞尖大排檔"的鮑魚大得多了

炒大蛤蜊 - 肉厚鮮嫰

薑蔥蒸魷魚 - rmb15 , 雖然細條左D, 但都幾新鮮

還有蒸魚

食飽打番電話俾剛才的司機, 他果然在等我們呢. 這樣我地就直接到了廈門北站, 全程都是打標的, rmb90, 大約40分鐘左右. 這司機真是好人呢~

早了個多小時到達車站, 又買了點KFC上車吃, 回到深圳大約7點左右. 我地選擇搭的士到深圳灣口岸, 的士站人龍不少, 等了15分鐘上到車, 約30分鐘到深圳灣, rmb50. 深圳灣回屯門很近, 只需15分鐘就到, 非常方便.